Hadithet e ngjashme me hadithin 575

Muslim ibn Ibrahimi na ka thënë: Na ka treguar Hishami, e këtij i ka treguar Katadja se Enesi (Allahu qoftë i kënaqur me të!) tregon: “Zejd ibn Thabiti ka thënë: “Hëngrëm syfyr me Pejgamberin ﷺ, pastaj ai u ngrit për namaz.” Unë e pyeta:

- Sa ka qenë koha mes ezanit dhe syfyrit?

- Sa t'i lexoje pesëdhjetë ajete, - tha Zejdi.”

Amër ibn Asimi na ka thënë: Na ka treguar Hemami, e ky nga Katadja se Enesi (Allahu qoftë i kënaqur me të!) tregon: “Zejd ibn Thabiti më ka treguar se kishin ngrënë syfyr me Pejgamberin ﷺ, pastaj ishin falur.”

Katadja e pyeti Enesin: “Sa kohë kishte mes tyre (syfyrit dhe namazit)?” Ai tha: “Aq sa t'i lexoje pesëdhjetë-gjashtëdhjetë ajete.”