Hadithet e ngjashme me hadithin 673

Zuhejri dhe Vehb ibn Othmani na kanë thënë: Na ka treguar Musa ibn Ukbe, e ky nga Nafiu se Ibn Omeri (Allahu qoftë i kënaqur me të!) transmeton se Pejgamberi ﷺ ka thënë: “Nëse dikush është duke ngrënë ushqim, të mos ngutet derisa ta përfundojë ngrënien, edhe nëse thirret ikameti për namaz.”

Këtë e ka transmetuar Ibrahim ibn Mundhiri nga Vehb ibn Othmani dhe Vehb Medeniu.

Ubejd ibn Ismaili na ka thënë: Na ka treguar Ebu Usame, e ky nga Ubejdullahu, e ky nga Nafiu se Ibn Omeri (Allahu qoftë i kënaqur me të!) transmeton se i Dërguari i Allahut ﷺ ka thënë: “Nëse shtrohet darka dhe thirret ikameti, jepni përparësi darkës e mos u ngutni derisa ta përfundoni (ngrënien).”

Kur Ibn Omerit i shtrohej darka, porse, në anën tjetër, thirrej ikameti, nuk shkonte në xhami derisa e përfundonte ngrënien, edhe pse e dëgjonte leximin e imamit (në namaz).