Hadithet e ngjashme me hadithin 707

Ibrahim ibn Musai na ka thënë: Na ka rrëfyer Velidi, e këtij i ka treguar Evzaiu, e ky nga Jahja ibn Ebu Kethiri, e ky nga Abdullah ibn Ebu Katadja, se babai i tij Ebu Katadja (Allahu qoftë i kënaqur me të!) transmeton se Pejgamberi ﷺ ka thënë: “Ndonjëherë dëshiroj ta zgjas namazin, mirëpo, kur dëgjoj të qarët e fëmijës, e shkurtoj leximin, nga frika se mos ia vështirësoj (namazin) nënës së tij.”

Transmetimin e Evzaiut e përforcon Bishr ibn Bekri dhe Ibn Mubareku.

Muhamed ibn Miskini na ka thënë: Na ka treguar Bishri, e këtij i ka rrëfyer Evzaiu, e këtij i ka treguar Jahja ibn Ebu Kethiri, e ky nga Abdullah ibn Ebu Katade Ensariu, se babai i tij Ebu Katade Ensariu (Allahu qoftë i kënaqur me të!) transmeton se i Dërguari i Allahut ﷺ ka thënë: “Ndonjëherë dëshiroj ta zgjas namazin, mirëpo, kur dëgjoj të qarët e fëmijës, e shkurtoj leximin, nga frika se mos ia vështirësoj (namazin) nënës së tij.”