Hadithet e ngjashme me hadithin 72

Aliu na ka thënë: Na ka treguar Sufjani, e këtij i ka treguar Ibn Ebu Nexhihu se Muxhahidi ka thënë: “E kam shoqëruar Ibn Omerin (Allahu qoftë i kënaqur me të!) në rrugëtimin për në Medinë dhe nuk e kam dëgjuar duke transmetuar prej të Dërguarit të Allahut ﷺ, përveçse një hadith, ku thoshte: “Njëherë ishim ulur pranë Pejgamberit ﷺ dhe dikush solli një koçan (të pemës së hurmës).” Si rrjedhojë, ai tha: “Me të vërtetë, në mesin e pemëve është një pemë që i ngjason muslimanit.” Unë doja të thosha se ishte pema e hurmës, mirëpo, ngaqë isha më i riu nga të gjithë, heshta. Dikur, Pejgamberi ﷺ tha: “Ajo është pema e hurmës.”

Halid ibn Mahledi na ka thënë: Na ka treguar Sulejmani, e këtij i ka treguar Abdullah ibn Dinari se Ibn Omeri (Allahu qoftë i kënaqur me ta!) transmeton se Pejgamberi ﷺ ka thënë: “Me të vërtetë, në mesin e pemëve është një pemë gjethembajtëse, që i ngjason muslimanit. E gjeni dot cila është ajo pemë?”

Të pranishmit filluan t'i përmendin pemët e shkretëtirës, kurse mua më ra ndërmend pema e hurmës. Dikur, të pranishmit i thanë: “Na trego cila qenka ajo pemë, o i Dërguari i Allahut!” Kështu, ai tha: “Ajo është pema e hurmës.”

Kutejbe na ka thënë: Na ka treguar Ismail ibn Xhaferi, e ky nga Abdullah ibn Dinari se Ibn Omeri (Allahu qoftë i kënaqur me ta!) transmeton se i Dërguari i Allahut ﷺ ka thënë: “Me të vërtetë, në mesin e pemëve është një pemë gjethembajtëse, që i ngjason muslimanit. E gjeni dot cila është ajo pemë?”

Të pranishmit filluan t'i përmendin pemët e shkretëtirës, kurse mua më ra ndërmend pema e hurmës, mirëpo më erdhi turp të flisja. Dikur, të pranishmit i thanë: “Na trego cila qenka ajo pemë, o i Dërguari i Allahut!” Kështu, ai tha: “Ajo është pema e hurmës.”

Ismaili na ka thënë: Më ka treguar Maliku, e ky nga Abdullah ibn Dinari se Abdullah ibn Omeri (Allahu qoftë i kënaqur me ta!) transmeton se i Dërguari i Allahut ﷺ ka thënë: “Me të vërtetë, në mesin e pemëve është një pemë gjethembajtëse, që i ngjason muslimanit. E gjeni dot cila është ajo pemë?” Të pranishmit filluan t'i përmendin pemët e shkretëtirës, ndërsa mua mendja më shkoi te pema e hurmës, mirëpo ngurrova të flas. I thanë: “O i Dërguari i Allahut, na trego cila është ajo.” I Dërguari i Allahut ﷺ tha: “Ajo është pema e hurmës.”
Abdullahu thotë: “I tregova babait tim për atë që më shkoi në mendje, kurse ai më tha: “Po ta thoshe përgjigjen, do të ishte më e dashur për mua sesa kjo e ajo (dhe numëroi disa gjëra).”