Hadithet e ngjashme me hadithin 970

Abdullah ibn Jusufi na ka thënë: Na ka rrëfyer Maliku se Muhamed ibn Ebu Bekër Thekafiu tregon se, teksa ishin duke shkuar prej Minas në Arafat, e pyeti Enesin (Allahu qoftë i kënaqur me të!): “Çfarë vepronit në këtë ditë gjatë kohës kur ishit me të Dërguarin e Allahut ﷺ?” Ai tha: “Disa prej nesh këndonin telbijen, disa të tjerë bënin tekbire, por Pejgamberi ﷺ asnjërës palë nuk ia tërhoqi vërejtjen.”

Ebu Nuajmi na ka thënë: Na ka treguar Malik ibn Enesi se Muhamed ibn Ebu Bekër Thekafiu tregon: “Teksa po shkonim prej Minas në Arafat, e pyeta Enesin (Allahu qoftë i kënaqur me të!) rreth telbijes:

- Si e bënit në kohën e Pejgamberit ﷺ?

- Ai që donte, bënte telbijen, e, ai që s'donte, bënte tekbiret, por askush nuk e qortonte tjetrin (për këtë), - tha ai.”