Hadithet e ngjashme me hadithin 1156

Abdullah ibn Muhamedi na ka thënë: Na ka rrëfyer Hishami, e këtij i ka rrëfyer Mameri. [t]: Mahmudi më ka thënë: Na ka treguar Abdurrezaku, e këtij i ka rrëfyer Mameri, e ky nga Zuhriu, e ky nga Salimi se babai i tij, Abdullah ibn Omeri (Allahu qoftë i kënaqur me ta!) tregon: “Kur ndokush shihte ndonjë ëndërr sa ishte Pejgamberi ﷺ gjallë, ia rrëfente atij. Unë shpresoja të shihja ndonjë ëndërr për t'ia rrëfyer të Dërguarit të Allahut ﷺ. Në kohën e të Dërguarit të Allahut kam qenë djalë i ri dhe flija në xhami ﷺ. Atëkohë pashë një ëndërr, sikur dy melekë më morën dhe më dërguan në Zjarr, i cili ishte i ndërtuar sikurse bunari dhe kishte dy mbajtës. Ngaqë aty pashë disa njerëz që i njihja, thashë: “Kërkoj mbrojtjen e Allahut kundrejt Zjarrit!” Atëherë na takoi një melek tjetër, i cili më tha: “Mos u frikëso!”

Ebu Numani na ka thënë: Na ka treguar Hamad ibn Zejdi, e ky nga Ejubi, e ky nga Nafiu se Abdullah ibn Omeri (Allahu qoftë i kënaqur me ta!) tregon: “Në kohën e Pejgamberit ﷺ pashë një ëndërr, sikur po mbaja një copë mëndafshi në dorë, që më dërgonte në cilindo vend të Xhenetit që dëshiroja. Kam parë sikur dy (melekë) më erdhën e donin të më dërgonin në Xhehenem. Ata dy i takoi një melek, e në atë rast tha: “Mos u frikëso, (ndërkohë ju dy) lëreni atë!”

Musededi na ka thënë: Na ka treguar Jahjai, e ky nga Ubejdullahu, e këtij i ka treguar Nafiu se Abdullah ibn Omeri (Allahu qoftë i kënaqur me të!) tregon se, gjatë kohës sa ishte i ri dhe beqar e pa familje, flinte në Xhaminë e Pejgamberit ﷺ.