Hadithet e ngjashme me hadithin 1316

Abdullah ibn Jusufi na ka thënë: Na ka treguar Lejthiu, e këtij i ka treguar Seidi, e ky nga babai i tij se Ebu Seid Hudriu (Allahu qoftë i kënaqur me të!) transmeton se Pejgamberi ﷺ ka thënë: “Kur të vendoset xhenazja (në tabut) dhe burrat ta bartin mbi supe, nëse ka qenë vepërmirë, thotë: “Ngutuni (për të më dërguar në varr). E, nëse nuk ka qenë i tillë, i thotë familjes së vet: “Mjerë unë, ku po më dërgoni! Çdo gjë e dëgjon zërin e saj, përveç njeriut, që, sikur ta dëgjonte, do të alivanosej.”

Abdulaziz ibn Abdullahu na ka thënë: Na ka treguar Lejthiu, e ky nga Seid Makburi, e ky nga babai i tij se Ebu Seid Hudriu (Allahu qoftë i kënaqur me të!) transmeton se i Dërguari i Allahut ﷺ ka thënë: “Kur të vendoset xhenazja (në tabut) dhe burrat ta bartin mbi supe, nëse ka qenë vepërmirë, thotë: “Ngutuni (për të më dërguar në varr).” E, nëse nuk ka qenë i tillë, thotë: “Mjerë unë, ku po më dërgoni!” Çdo gjë e dëgjon zërin e tij, përveç njeriut, i cili, sikur ta dëgjonte, do të alivanosej.”

Kutejbe na ka thënë: Na ka treguar Lejthiu, e ky nga Seid ibn Ebu Seidi, e ky nga babai i tij se Ebu Seid Hudriu (Allahu qoftë i kënaqur me të!) transmeton se i Dërguari i Allahut ﷺ ka thënë: “Kur të vendoset xhenazja (në tabut) dhe burrat e bartin mbi supe, nëse ka qenë vepërmirë, thotë: “Ngutuni, ngutuni (për të më dërguar në varr)!” E, nëse nuk ka qenë i tillë, thotë: “Mjerë unë, ku po më dërgoni!” Çdo gjë e dëgjon zërin e saj, përveç njeriut, i cili, sikur ta dëgjonte, do të alivanosej.”