Hadithet e ngjashme me hadithin 1744

Abdullah ibn Ebu Esvedi na ka thënë: Na ka treguar Ebu Damra, e këtij i ka treguar Ubejdullahu, e ky nga Nafiu se Ibn Omeri (Allahu qoftë i kënaqur me të!) tregon: “Abas ibn Abdulmutalibi i kërkoi leje të Dërguarit të Allahut ﷺ për të bujtur në Mekë gjatë netëve të Minas, për shkak të shpërndarjes së ujit (që e bënte), e në atë rast Pejgamberi ﷺ e lejoi.”

Jahja ibn Musai na ka thënë: Na ka treguar Muhamed ibn Bekri, e këtij i ka rrëfyer Ibn Xhurejxhi, e këtij i ka rrëfyer Ubejdullahu, e ky nga Nafiu se Ibn Omeri (Allahu qoftë i kënaqur me të!) tregon se Pejgamberi ﷺ ia ka lejuar (Abasit të qëndrojë në Mekë për t'u shpërndarë ujë haxhilerëve).

Muhamed ibn Ubejd ibn Mejmuni na ka thënë: Na ka treguar Isa ibn Junusi, e ky nga Ubejdullahu, e ky nga Nafiu se Ibn Omeri (Allahu qoftë i kënaqur me të!) tregon se Pejgamberi ﷺ ua ka lehtësuar (atyre që merren me shpërndarjen e ujit qëndrimin në Mekë gjatë netëve të Minas).