Hadithet e ngjashme me hadithin 569

Jahja ibn Bukejri na ka thënë: Na ka treguar Lejthiu, e ky nga Ukajli, e ky nga Ibn Shihabi, e ky nga Urve se Aishja (Allahu qoftë i kënaqur me të!) tregon: “Një natë, i Dërguari i Allahut ﷺ e vonoi namazin e jacisë. Atëkohë Islami ende nuk ishte përhapur shumë. Nuk doli në xhami derisa Omeri i tha: “Fjetën gratë dhe fëmijët.” Atëherë Pejgamberi ﷺ doli dhe u tha atyre që ishin në xhami: “Asnjë banor i Tokës nuk është duke pritur për t'u falur, përveç jush.”

Ejub ibn Sulejmani na ka thënë: Më ka treguar Ebu Bekri, e ky nga Sulejmani, e këtij i ka treguar Salih ibn Kejsani, e këtij i ka rrëfyer Ibn Shihabi, nga Urve se Aishja (Allahu qoftë i kënaqur me të!) tregon: “Një natë, i Dërguari i Allahut ﷺ e vonoi namazin e jacisë, derisa Omeri thirri: “Namazi! Fjetën gratë dhe fëmijët!” Pejgamberi ﷺ doli dhe u tha: “Asnjë banor i Tokës nuk është duke pritur për t'u falur përveç jush.”

Urve ibn Zubejri thotë: “Atëkohë (jacia me xhemat) nuk falej diku tjetër, përveçse në Medinë. Koha kur e falnin namazin e jacisë zgjaste prej rënies së muzgut deri në përfundim të së tretës së parë të natës.”

Ebu Jemani na ka thënë: Na ka rrëfyer Shuajbi, e ky nga Zuhriu, e këtij i ka rrëfyer Urve ibn Zubejri se Aishja (Allahu qoftë i kënaqur me të!) tregon: “Një natë, i Dërguari i Allahut ﷺ e vonoi namazin e jacisë, derisa Omeri i tha: “Fjetën gratë dhe fëmijët.” Atëherë Pejgamberi ﷺ doli dhe u tha atyre që ishin në xhami: “Asnjë banor i Tokës nuk është duke pritur namazin, përveç jush.” Atëkohë, askund nuk falej përveçse në Medinë. Jacinë e falnin pas rënies së muzgut deri në fundin e së tretës së parë të natës.”

Ebu Jemani na ka thënë: Na ka rrëfyer Shuajbi, e ky nga Zuhriu, e këtij i ka rrëfyer Urve ibn Zubejri se Aishja (Allahu qoftë i kënaqur me të!) tregon: “Një natë, Pejgamberi ﷺ e vonoi namazin e jacisë, derisa Omeri i tha: “Fjetën gratë dhe fëmijët.” Atëherë i Dërguari i Allahut ﷺ doli dhe u tha atyre që ishin në xhami: “Asnjë banor i Tokës nuk është duke pritur për ta falur këtë namaz, përveç jush.” Atëkohë askush nuk falej përveç banorëve të Medinës.”