Hadithet e ngjashme me hadithin 747

Ademi na ka thënë: Na ka treguar Israili, e ky nga Ebu Is'haku, e ky nga Abdullah ibn Jezid Hatmiu se Bera ibn Azibi (Allahu qoftë i kënaqur me të!), - i cili nuk gënjente, - tregon: “Ishim duke u falur mbrapa Pejgamberit ﷺ dhe, pasi tha: “Semiallahu limen hamideh (Allahu iu përgjigj atij që e falënderoi)”, askush nuk u përkul, derisa Pejgamberi ﷺ e vendosi ballin në tokë.”

Haxhaxhi na ka thënë: Na ka treguar Shuëbe, e këtij i ka treguar Ebu Is'haku, e ky e ka dëgjuar Abdullah ibn Jezidin gjatë hutbes duke thënë: Berai (Allahu qoftë i kënaqur me të!), - që nuk është njeri që gënjen, - tregon se faleshin me Pejgamberin ﷺ dhe, kur ai ngrihej nga rukuja, ata ngriheshin pas tij dhe qëndronin në këmbë derisa të shihnin se Pejgamberi ﷺ ka rënë në sexhde.

Musededi na ka thënë: Na ka treguar Jahja ibn Seidi, e ky nga Sufjani, e këtij i ka treguar Ebu Is'haku, e këtij i ka treguar Abdullah ibn Jezidi se Berai (Allahu qoftë i kënaqur me të!), - i cili është njeri që nuk gënjen, - tregon: “Pasi i Dërguari i Allahut ﷺ thoshte: “Semiallahu limen hamideh”, askush nuk përkulej, derisa Pejgamberi ﷺ binte në sexhde, më pas edhe ne binim në sexhde.

Ebu Nuajmi na ka treguar nga Sufjani, e ky nga Ebu Is'ahku, ngjashëm me këtë.