Hadithet e ngjashme me hadithin 766

Ebu Numani na ka thënë: Na ka treguar Muëtemiri, e ky nga babai i tij, e ky nga Bekri se Ebu Rafiu tregon: “E falëm namazin e jacisë me Ebu Hurejrën (Allahu qoftë i kënaqur me të!), i cili këndoi suren Inshikak, e në atë rast bëri sexhde (të leximit). Kur e pyeta rreth kësaj, më tha: “Kemi bërë sexhde duke qenë mbrapa Ebu Kasimit ﷺ, andaj kështu do të vazhdoj derisa ta takoj sërish (të vdes).”

Musededi na ka thënë: Na ka treguar Jezid ibn Zureji, e këtij i ka treguar Tejmiu, e ky nga Bekri se Ebu Rafiu tregon: “E falëm namazin e jacisë me Ebu Hurejrën (Allahu qoftë i kënaqur me të!), i cili këndoi suren Inshikak, e në atë rast bëri sexhde (të leximit).

- Ç'është kjo? - e pyeta.

- Kemi bërë sexhde duke qenë mbrapa Ebu Kasimit ﷺ, andaj kështu do të vazhdoj derisa ta takoj sërish (të vdes), - tha Ebu Hurejra.”

Musededi na ka thënë: Na ka treguar Muëtemiri, e ky e ka dëgjuar babanë e tij, e këtij i ka treguar Bekri se Ebu Rafiu tregon: “Një namaz të jacisë e fala me Ebu Hurejrën (Allahu qoftë i kënaqur me të!), i cili, gjatë namazit, lexoi suren Inshikak dhe bëri sexhde. E pyeta:

- Ç'është kjo?

- Kam bërë sexhde në këtë sure duke qenë mbrapa Ebu Kasimit ﷺ. Andaj, do ta vazhdoj këtë praktikë derisa ta takoj sërish (të vdes).”