Hadithet e ngjashme me hadithin 801

Ebu Velidi na ka thënë: Na ka treguar Shuëbe, e ky nga Hakemi, e ky nga Ibn Ebu Lejla se Berai (Allahu qoftë i kënaqur me të!) tregon: “Rukuja e Pejgamberit ﷺ, sexhdja, qëndrimi drejt pas rukusë dhe qëndrimi ulur mes dy sexhdeve, që të gjitha, përafërsisht, kanë qenë të barabarta (në kohëzgjatje).”

Bedel ibn Muhaberi na ka thënë: Na ka treguar Shuëbe, e këtij i ka rrëfyer Hakemi, e ky nga Ibn Ebu Lejla se Berai (Allahu qoftë i kënaqur me të!) tregon: “Rukuja e Pejgamberit ﷺ, sexhdja, qëndrimi mes dy sexhdeve dhe qëndrimi drejt pas rukusë, që të gjitha, përafërsisht, kanë qenë të barabarta (në kohëzgjatje), përveç kijamit dhe teshehudit (që kanë qenë më të gjata se të tjerat).”

Muhamed ibn Abdurrahimi na ka thënë: Na ka treguar Ebu Ahmed Muhamed ibn Abdullah Zubejdiu, e këtij i ka treguar Misari, e ky nga Hakemi, e ky nga Abdurrahman ibn Ebu Lejla se Berai (Allahu qoftë i kënaqur me të!) tregon: “Sexhdja e Pejgamberit ﷺ, rukuja dhe qëndrimi ulur mes sexhdeve, përafërsisht, kanë qenë të barabarta (në kohëzgjatje).”