Hadithet e ngjashme me hadithin 1343

Ebu Velidi na ka thënë: Na ka treguar Lejthiu, e ky nga Ibn Shihabi, e ky nga Abdurrahman ibn Kabi se Xhabiri (Allahu qoftë i kënaqur me të!) transmeton se Pejgamberi ﷺ ka thënë: “Varrosini të përgjakur.” Kjo, Ditën e Uhudit dhe pa i pastruar ata.

Ibn Mukatili na ka thënë: Na ka rrëfyer Abdullahu, e këtij i ka rrëfyer Lejth ibn Sadi, e këtij i ka treguar Ibn Shihabi, e ky nga Abdurrahman ibn Kab ibn Maliku se Xhabir ibn Abdullahu (Allahu qoftë i kënaqur me ta!) tregon: “Të vrarët në Uhud i Dërguari i Allahut ﷺ i bënte bashkë nga dy veta në një qefin, pastaj thoshte: “Cili prej tyre ka ditur Kuran më shumë?” Kur i tregonin për ndonjërin prej tyre, e fuste të parin në varr (lahd) dhe thoshte: “Unë jam dëshmitar i tyre.” Po ashtu, urdhëroi të varroseshin të përgjakur, pa i pastruar e pa ua falur xhenazen.”

Ibn Mubareku ka thënë: Na ka rrëfyer Evzaiu, e ky nga Zuhriu se Xhabir ibn Abdullahu (Allahu qoftë i kënaqur me ta!) tregon se i Dërguari i Allahut ﷺ për të vrarët e Uhudit pyeste: “Cili prej tyre ka ditur Kuran më shumë?” Kur i tregonin për ndonjërin prej tyre, e fuste të parin në varr (lahd), pastaj të bashkëvarrosurin e tij.

Xhabiri (ibn Abdullah ibn Harami) shton: “Babai im dhe (një djalë) xhaxhai (Amër ibn Xhemuh ibn Zejd ibn Harami) janë qefinosur me një gunë.”

Sulejman ibn Kethiri ka thënë: “Më ka treguar Zuhriu, e këtij i ka treguar dikush që e ka dëgjuar Xhabirin.”

Abdani na ka thënë: Na ka rrëfyer Abdullahu, e këtij i ka rrëfyer Lejth ibn Sadi, e këtij i ka treguar Ibn Shihabi, e ky nga Abdurrahman ibn Kab ibn Maliku se Xhabir ibn Abdullahu (Allahu qoftë i kënaqur me ta!) tregon: “Të vrarët në Uhud Pejgamberi ﷺ i bënte bashkë nga dy veta (në një qefin), pastaj thoshte: “Cili prej tyre ka ditur Kuran më shumë?” Kur i tregonin për ndonjërin prej tyre, e fuste të parin në varr (lahd) dhe thoshte: “Unë jam dëshmitar i tyre Ditën e Kiametit.” Urdhëroi të varroseshin të përgjakur, përkatësisht pa i pastruar.”

Abdullah ibn Jusufi na ka thënë: Na ka treguar Lejthiu, e këtij i ka treguar Ibn Shihabi, e ky nga Abdurrahman ibn Kab ibn Maliku se Xhabir ibn Abdullahu (Allahu qoftë i kënaqur me ta!) tregon: “Të vrarët në Uhud Pejgamberi ﷺ i bënte bashkë nga dy veta në një rrobë (qefin), pastaj thoshte: “Cili prej tyre ka ditur Kuran më shumë?” Kur i tregonin për ndonjërin prej tyre, e fuste të parin në varr (lahd) dhe thoshte: “Unë jam dëshmitar i tyre Ditën e Kiametit.” Urdhëroi të varroseshin të përgjakur, pa i pastruar e pa ua falur xhenazen.”

Seid ibn Sulejmani na ka thënë: Na ka treguar Lejthiu, e këtij i ka treguar Ibn Shihabi, e ky nga Abdurrahman ibn Kabi se Xhabir ibn Abdullahu (Allahu qoftë i kënaqur me ta!) tregon se Pejgamberi ﷺ i bënte bashkë të vrarët në Uhud nga dy veta (në një varr).