Hadithet e ngjashme me hadithin 1793

Ademi na ka thënë: Na ka treguar Shuëbe, e këtij i ka treguar Amër ibn Dinari se Ibn Omeri (Allahu qoftë i kënaqur me të!) tregon: “Pejgamberi ﷺ erdhi (në Mekë), e bëri tavafin rreth Qabesë, i fali dy rekate mbrapa Mekamit dhe shkoi në Safa. Allahu i Madhërishëm ka thënë: “Shëmbëlltyrën më të mirë e keni në të Dërguarin e Allahut...” (Ahzab, 21)

Mekij ibn Ibrahimi na ka thënë: Na ka treguar Ibn Xhurejxhi, e këtij i ka rrëfyer Amër ibn Dinari se Ibn Omeri (Allahu qoftë i kënaqur me të!) tregon: “Pejgamberi ﷺ erdhi në Mekë, e bëri tavafin, i fali dy rekate dhe eci mes Safasë dhe Mervës. Pastaj Ibn Omeri e lexoi ajetin: “Shëmbëlltyrën më të mirë e keni në të Dërguarin e Allahut...” (Ahzab, 21)

Humejdi na ka thënë: Na ka treguar Sufjani se Amër ibn Dinari tregon: “E kemi pyetur Ibn Omerin (Allahu qoftë i kënaqur me ta!): “A i lejohet të bëjë marrëdhënie me bashkëshorten atij që e kryen tavafin e umrës rreth Qabesë, por ende nuk e ka kryer ecjen mes Safasë dhe Mervës?”

Ai është përgjigjur: “Kur vinte Pejgamberi ﷺ, bënte tavaf rreth Qabesë shtatë herë, i falte dy rekate mbrapa Mekamit, pastaj ecte mes Safasë dhe Mervës shtatë herë. Shembullin më të mirë e keni tek i Dërguari i Allahut ﷺ.”

Humejdiu na ka thënë: Na ka treguar Sufjani se Amër ibn Dinari tregon: “E kemi pyetur Ibn Omerin (Allahu qoftë i kënaqur me ta!): “A i lejohet të bëjë marrëdhënie me bashkëshorten e vet atij që e kryen tavafin e umrës rreth Qabesë, por ende nuk e ka kryer ecjen mes Safasë dhe Mervës?”

Ai u përgjigj: “(Kur) Pejgamberi ﷺ erdhi (në Mekë), bëri tavaf rreth Qabesë shtatë herë, i fali dy rekate mbrapa Mekamit, pastaj eci mes Safasë dhe Mervës. Shembullin më të mirë e keni tek i Dërguari i Allahut ﷺ.”

Ali ibn Abdullahu na ka thënë: Na ka treguar Sufjani se Amër ibn Dinari tregon: “E kemi pyetur Ibn Omerin (Allahu qoftë i kënaqur me të!): “A i lejohet atij që gjatë umrës e kryen tavafin rreth Qabesë të bëjë marrëdhënie intime me bashkëshorten, ende pa e kryer ecjen mes Safasë dhe Mervës?”

Ai u përgjigj: “Pejgamberi ﷺ pati ardhur (në Mekë), e pati bërë tavafin rreth Qabesë, i pati falur dy rekate mbrapa Mekamit dhe pati ecur mes Safasë dhe Mervës shtatë herë. “Shëmbëlltyrën më të mirë e keni në të Dërguarin e Allahut...” (Ahzab, 21)