Hadithet e ngjashme me hadithin 586

Abdulaziz ibn Abdullahu na ka thënë: Na ka treguar Ibrahim ibn Sadi, e ky nga Salihu, e ky nga Ibn Shihabi, e këtij i ka rrëfyer Ata ibn Jezid Xhundiu se Ebu Seid Hudriu (Allahu qoftë i kënaqur me të!) tregon se i Dërguari i Allahut ﷺ ka thënë: “Nuk ka namaz (nfile) pas atij të sabahut, derisa të ngrihet dielli, as pas atij të ikindisë, derisa të perëndojë.”

Haxhaxh ibn Minhali na ka thënë: Na ka treguar Shuëbe, e këtij i ka treguar Abdulmelik ibn Umejri se Kazai, i çrobëruari i Zijadit, tregon se Ebu Seidi (Allahu qoftë i kënaqur me ta!), i cili kishte marrë pjesë me Pejgamberin ﷺ në dymbëdhjetë beteja, ka thënë: “Katër gjëra i kam dëgjuar nga Pejgamberi ﷺ, të cilat më kanë pëlqyer:

1. “Femra të mos udhëtojë në largësi prej dy ditësh pa burrin ose pa mahremin e saj;

2. Të mos agjërohen dy ditë: dita e Bajramit të Fitrit dhe ajo e Kurbanit;

3. Nuk ka namaz (vullnetar) pas namazit të sabahut, derisa të lindë dielli, dhe pas namazit të ikindisë, derisa të perëndojë;

4. Si dhe të mos merret udhëtim (me qëllim madhërimin e një vendi), përveç në tri xhamitë: Xhaminë e Qabesë, Xhaminë Aksa dhe xhaminë time.”

Sulejman ibn Harbi na ka thënë: Na ka treguar Shuëbe, e ky nga Abdulmelik ibn Umejri se Kazai, i çrobëruari i Zijadit, tregon se Ebu Seidi (Allahu qoftë i kënaqur me ta!), i cili kishte marrë pjesë me Pejgamberin ﷺ në dymbëdhjetë beteja, ka thënë: “Katër gjëra i kam dëgjuar nga i Dërguari i Allahut ﷺ, - ose ka thënë: i tregonte nga Pejgamberi ﷺ, - të cilat më kanë pëlqyer dhe më kanë mahnitur:

1. “Femra të mos udhëtojë në largësi prej dy ditësh pa burrin ose pa mahremin e saj;

2. Të mos agjërohen dy ditë: dita e Bajramit të Fitrit dhe ajo e Kurbanit;

3. Nuk ka namaz (vullnetar) pas dy namazeve: pas namazit të ikindisë, derisa të perëndojë dielli dhe pas namazit të sabahut, derisa të lindë dielli;

4. Si dhe të mos merret udhëtim (me qëllim madhërimin e një vendi), përveç në tri xhamitë: Xhaminë e Qabesë, xhaminë time dhe Xhaminë Aksa.”

Ebu Velidi na ka thënë: Na ka treguar Shuëbe, e ky nga Abdulmeliku se Kazeja, i çrobëruari i Zijadit, tregon: “E kam dëgjuar Ebu Seid Hudriun (Allahu qoftë i kënaqur me të!) duke i përmendur prej Pejgamberit ﷺ katër gjëra, të cilat më pëlqenin dhe më ngazëllenin.

Ai ka thënë:

1. “Gruaja të mos udhëtojë në largësi prej dy ditësh, përveçse me burrin ose kujdestarin e saj;

2. Të mos agjërohen dy ditë: dita e Bajramit të Fitrit dhe ajo e Kurbanit;

3. Pas dy namazeve nuk ka namaz (vullnetar): pas namazit të sabahut, derisa të lindë dielli, si dhe pas namazit të ikindisë, derisa të perëndojë;

4. Nuk lejohet udhëtimi enkas për madhërimin e një vendi, përveç në tri xhamitë: Xhaminë e Qabesë, Xhaminë Aksa dhe xhaminë time.”

Hafs ibn Omeri na ka thënë: Na ka treguar Shuëbe, e këtij i ka rrëfyer Abdulmelik ibn Umejri se Kazeja tregon: “E kam dëgjuar Ebu Seidin (Allahu qoftë i kënaqur me të!) duke i thënë katër gjëra: “E kam dëgjuar Pejgamberin ﷺ. Ai ka marrë pjesë në dymbëdhjetë beteja së bashku me Pejgamberin ﷺ...”

Ebu Seidi (Allahu qoftë i kënaqur me të!) ka thënë: “Pejgamberi ﷺ e ka ndaluar namazin (vullnetar) pas sabahut dhe pas ikindisë.”